06 Jul कान्ति बाल अस्पतालले मनायो ६१ औं वार्षिकोत्सव
अस्पतालमा हाल ५ सय ३४ जना कर्मचारी कार्यरत छन् ।
कान्ति बाल अस्पतालमा काठमाडौं उपत्यकासहित देशभरका नागरिक सेवा लिनका लागि पुग्ने गर्छन् ।
अस्पतालका निर्देशक डा. युवानिधि बसौलाले लामो समयदेखि बन्द रहेको २० शय्याको एनआईएमसीयू वार्ड मर्मत गरी पुनः सञ्चालनमा ल्याइएको भन्दै ५ शय्याको नयाँ केएमसी वार्ड पनि सञ्चालनमा आएको बताए ।
गरिब तथा विपन्न वर्गलाई आकस्मिक स्वास्थ्य सेवा निःशुल्क कार्यक्रम, खानेपानी निर्मलीकरण, ढल र १ वटा डिप बोरिंगको पाईप नयाँ फेरेको, अंकोलोजी वार्डमा रमेश गुप्ता मेमोरियल ट्रस्ट र वल्र्ड चाइल्ड क्यान्सरको सहयोगमा ५ वेडको एचडीयू सञ्चालनमा ल्याएको पनि डा.बसौलाले जानकारी गराए ।
कार्यक्रममा अस्पतालको वार्षिक प्रतिवेदन पनि प्रस्तुत गरिएको थियो । जसमा यसै वर्षबाट नर्सिङ विषयमा १ वर्षे फेलोसिप अन पेड्रियाट्रीक अंकोलोजी नर्सिङ कार्यक्रम सुरु भएको जानकारी दिइयो ।